عرب ويب نت - منتدى شبكة الإنترنت العربية - Powered by vBulletin

 
موقع و منتدى شبكة الإنترنت العربية ArabWebNet.com

اكتب بريدك في المربع ثم اضغط على "اشتراك" لكي يصلك كل جديد على بريدك مباشرة


+ الرد على الموضوع
النتائج 1 إلى 4 من 4
سالفه حصلت قديما

كان فيه شاب من اهل عنيزة وكان هالشاب ساكن هو وامه فقط في بيت واحد لأن ابوه كان متوفي وكانو مبسوطيين وعايشين بكل سعادة وخير مع شح وفقر ذاك الزمان

  1. #1
    مشرفة تَرَفُ~ is on a distinguished road الصورة الرمزية تَرَفُ~
    تاريخ التسجيل
    Feb 2011
    المشاركات
    3,762

    افتراضي سالفه حصلت قديما


    كان فيه شاب من اهل عنيزة وكان هالشاب ساكن هو وامه فقط في بيت واحد لأن ابوه كان متوفي
    وكانو مبسوطيين وعايشين بكل سعادة وخير مع شح وفقر ذاك الزمان
    المهم امه العجوز شبت عليه وقالت له ياوليدي ورى ماتعرس
    وودي تزووج علشان اشوف عيالك قبل ما اموت
    وهو يقول بسم الله عليك عقب عمرن طوييل يوووه
    المهم الححت عليه وهو وافق
    وخطبت له امه هاك البنيه اللي كللها ملح
    الولد عقب العرس ..ماينلام استانس بحريمته وتوافق هو وياااه الحمدلله
    كل يحب الثاني ويودده
    لكن المشكله عاد ب( المامي) تقل تضايقت شوي من الوضع(نغرت )
    -----------> وهذي فطره عند اغلب الحرييم الكباار خاصة مع عيالهم
    --->غصبن عليها
    بدت إذا جاء الولد عقب الظهر داايخ
    من الشغل وده يتغدا ويناام قبل يأذن العصر .
    وأول مايصك باب الغرفه هو والمره إلاّ والوالده رانعتن عليهم الباااب ( تنكيد يعني) قومو صللو يالله
    وان كان هو ماأذن تطق وتقول قومو توللمو توضو قبل الاذاان ..
    ورزح هالباب ماتواطنهم بالغرفه تنهبل
    والولد ماغير ( يقول إنا لله وانا اليه راجعوون ) وش جاه أمي
    وتطوور الوضع بدت العجيّز
    إذا منّهم نامو بالليل واوّل مايتواسوون تطق الباب قومو تسننو صلّو صلاة الليل. قومو أوترو.. قومو قومو.وماغير تهجدهم وترجدهم بالليل وانهار
    المهم الولد تضايق بالحيل تنكّدت عيشته مايدري وش يسوي الوالده صارت قشراء ماتعبّرهم داخليين بالغرفه تنهبل على طول ...
    ومرّه الولد كان عند رفيقن له يقالّه ابوصالح (معرووف بالعياااره )كان يتقهوى ومع السواليف قص عليه السّالفه حقّته مع أمه وشكى على رفيقه ابوصالح حاله
    قال ابوصالح انا اعرف علاج امّك زيين بس تطاوعن؟؟
    قال الولد تكفى اللي تبي
    بس فكّنا ياشيخ
    قال أجل ابقوللك : نبي نسوّي خطّه انا وانت بس لازم تطبقها تمام والا ترى تبي تخرب عليك
    قال الولد .. تكفى قللي
    المهم قاله الطريقه واتفقو
    يوم صار من باكر عقب العصر
    جاء ابوصالح لبيت الولد وطق عليه الباب
    طق طق طق
    ابو فلان ابو فلان وبدا يصوّت ابوفلان
    (كانت بيوت الاولين صغار بالحيل وهدوء لدرجة ان اللي بالبيت يسمع كلام اللي بالشارع والعكس *)
    المهم طلع الولد قال
    ياهلاااااا ابو صالح يالله حيه
    ادخل اقلط تقهو
    قال ابوصالح
    لاوالله يابوفلان أنا عجل بس جيت ابي منك طلب وابمشي
    (طبعا رافعيين اصوااتهم علشان تسمع العجيّز- وهي ماقصّرت جادعتن إذنه تبي تدري وش يبي ابوصالح بولده )
    قال الولد ادخل يارجال واطلب الّي تبي
    الّي تبي بس تقهو
    قال ابوصالح .. الّي ابي؟؟
    ماتردّن
    قال الولد : والله ماأردّك لو تبي كل بيتي ومابه بس ادخل .. إلاّ شي واحد ماأعطيكياااه
    قال ابو صالح وشّو؟؟ هالشي؟؟
    قال الولد: لاتجي بس تبي تخطب أمي؟؟
    ترى هذي اسمحلي ماأقدر أطلب كل شي إلاّ هذي ..
    قال ابوصالح وراااه؟؟
    قال الولد : الله يعظّم أجره أميمتي
    تقوّمنا لصلات العصر قبل يأذّن وتقومنا نتسنن بالليل . وتقومنا نووتر قبل الفجر . وتقومنا للفجر حريصتن علينا
    والله مااأفّلبه ابد الله يخلّيها لنا ان شاء الله
    قال ابوصالح : والله الصّراحه أنا جااين أخطب الوالده أجل
    قاال الولد لااااا ياخووي
    أجل طس لاتقهوى ولاشي مع السلامه . والوالده مهيب معرسه
    ( كل هالكلااااام والعجيّز تسمع!! ومنهبله ) 618.gif
    راح ابوصالح والولد صك الباب
    دخل الولد والى الوالده بوجهه قالت منهو ذااا؟؟
    وش يبي؟؟؟
    619.gif
    قال ياميمتي هذا خبل سايح وطلب منّي طلب وطردته ( مابقا إلاّ هي بعد )
    اسكتت وهي منقهره تبي تنفجر
    620.gif
    وجاء الليل ونامو ولاقامو إلاّ الضحى
    وجاء الظهر ونامو وماطق عليهم أحد
    والعصر جاء الولد لأمه
    قال ياميمتي سلامااات؟؟
    ماقوّمتينا للصلاة الفجر ولا العصر
    عسى مااااشر يووه؟؟
    قاالت العجييز
    621.gif: قومو أنتم عسااكم للكسااميير خلاااص انا منب دايمتن لكم
    خخخخخخخخخ
    594.gif
    وبدت ماتطق عليهم وافتكّو من شرّه
    وهي على رجاء خطبه ابوصالح



    هههههههههه
    594.gif

    منقوووول



    shgti pwgj r]dlh


  2. #2

    افتراضي

    هههههههههه

    مشكوووورة


  3. #3
    مشرفة تَرَفُ~ is on a distinguished road الصورة الرمزية تَرَفُ~
    تاريخ التسجيل
    Feb 2011
    المشاركات
    3,762

    افتراضي

    العفو يالغلا
    مشكوره ع المرور
    ودي


  4. #4
    عضو فعال sehas is on a distinguished road
    تاريخ التسجيل
    May 2011
    المشاركات
    54

    افتراضي

    مشكووووووووووووووووورة


 

 

المواضيع المتشابهه

  1. اكاديمية الشرق تقدم مجانا حزمة متنوعة من الاختبارات اون لاين
    بواسطة mohamedali في المنتدى منتدى البيع و الشراء
    مشاركات: 2
    آخر مشاركة: 20-09-2011, 11:14 PM
  2. عـــندمأ تتحــدث العيـــون الكـلام يصمت خجـــلا من جمالهاًًً ًً
    بواسطة تَرَفُ~ في المنتدى المكياج و العطور
    مشاركات: 2
    آخر مشاركة: 23-03-2011, 11:34 PM
  3. قصة مرعبة حقيقية حصلت مع واحد اعرفة
    بواسطة زهره الخليج في المنتدى قصص و حكايات
    مشاركات: 1
    آخر مشاركة: 29-06-2010, 03:04 AM
  4. سالفه صارت لمدرسه كبيره بالعمر تبي تسوي ليله رومانسيه
    بواسطة ريتاج في المنتدى الحياة الزوجية
    مشاركات: 0
    آخر مشاركة: 09-02-2010, 07:24 AM
  5. قديما قالوا
    بواسطة زهره الخليج في المنتدى المنتدى العام
    مشاركات: 4
    آخر مشاركة: 02-02-2010, 03:59 PM

الكلمات الدلالية لهذا الموضوع

مواقع النشر (المفضلة)

مواقع النشر (المفضلة)

ضوابط المشاركة

  • لا تستطيع إضافة مواضيع جديدة
  • لا تستطيع الرد على المواضيع
  • لا تستطيع إرفاق ملفات
  • لا تستطيع تعديل مشاركاتك

 

تابعونا على تويترتابعونا على فيس بوكمدونة شبكة الانترنت العربية

 

 



الساعة الآن 01:30 AM